Dapi nossas ultimas grondas novitads è passà in temp e natiralmain n'essan nus betg stads inactivs ils ultims mais. Oz As preschentain nus la nova interfatscha PayPal ed il nov dashboard da purschidas.
Il nov dashboard da purschidas
Cun avrir ina purschida en la V2 dat il nov design immediat en egl. La repartiziun tenor colur e tenor structura As permetta ina survista cumpacta da las datas las pli impurtantas en Vossa purschida. Tut las infurmaziuns en in'egliada.
PayPal Checkout
Cun la pli nova integraziun da PayPal survegnis Vus a partir d'immediat la pussaivladad da porscher blers meds da pajament populars per Voss pajaments dals participants. Tar ils meds da pajament tutgan pajaments cun carta da credit e da debit, normals pajaments da PayPal e sistems da pajament specifics per pajais sco pajament en ratas via PayLater, SEPA Direct Debit, giropay e SOFORT.
Da nov pudais Vus far restituziuns per pajaments da PayPal directamain da edoobox e na stuais betg pli midar per quai en l'applicaziun da PayPal. Gia ussa avais Vus plinavant en il Design Manager la pussaivladad d'integrar e d'excluder differents meds da pajament da PayPal en singuls designs. En l'avegnir vegnis Vus a survegnir questa selecziun per tut ils meds da pajament via PayPal e pudais qua tras selecziunar per categoria, tge meds da pajament che duain esser permess per pajaments da participants.
Impurtant da savair: Questa integraziun remplazza la soluziun existenta PayPal Adaptive Payments. Sche Vus utilisais pia anc la veglia interfatscha PayPal (Legacy), midai ussa a la nova interfatscha per profitar da tut las novas funcziuns.
Vulais Vus savair dapli davart PayPal Checkout e co utilisar quest sistem da pajament en Voss conto dad edoobox? Qua: Avrir la documentaziun dad edoobox chattais Vus tut las infurmaziuns impurtantas.
