Bleras da nossas clientas e blers da noss clients han giavischà in'amplificaziun da las funcziuns da taglia sin la plivalur ed ussa èsi uschè lunsch! Cun grond plaschair As preschentain nus oz las duas novas funcziuns Taglia sin la plivalur GeoDynamic e Reverse Charge (B2B) . Quests svilups As permettan ina varietad da pussaivladads supplementaras d'adattar automaticamain la taglia sin la plivalur tenor il pajais da Vossas clientas e Voss clients e/u da transferir il pajament da la taglia sin la plivalur a Vossa clientella da fatschenta.
GeoDynamic IVA
Cun questa configuraziun eruescha edoobox a maun da l'adressa IP il pajais, en il qual la persuna che cudeschescha sa chatta ed adattescha directamain la tariffa da l'IVA. Uschia pudais Vus scriver ora purschidas per participants en Svizra ed a l'exteriur ed il medem mument quintar giu correctamain la taglia sin la plivalur directamain en la cudeschaziun. Vus depositais en quest connex las tariffas da l'IVA per mintga pajais che Vus vulais porscher e fixais ultra da quai ina tariffa da l'IVA da standard, a la quala il sistem po recurrer, sch'i vegn eruì in pajais, per il qual i n'è anc betg vegnida depositada ina tariffa da l'IVA. Legiai vinavant qua tar la Taglia sin la plivalur GeoDynamic ed emprendai ils detagls davart questa funcziun.
Reverse Charge
Cun la chargia inversa è manegiada l'inversiun da la debitura da taglia, cun la quala betg l'interpresa che furnescha ina prestaziun paja la taglia sin la svieuta, mabain il retschavider*a da la prestaziun paja la taglia sin la svieuta. Questa funcziun è avant maun da nov en la V2 e Vus avais la pussaivladad d'activar la Reverse Charge per ils pajais giavischads singuls. Resguardai per plaschair che per pajais ordaifer la UE stuais Vus mintgamai examinar tenor lescha, sche la procedura da reverse-charge exista en il pajais respectiv.
Per l'utilisaziun da la Reverse Charge en il process da reservaziun sto il numer da la taglia sin la plivalur da Vossa clientella sur la adressa da quint differenta vegnir dumandà. Agiuntai perquai il widget «Adressa da quint» al formular d'annunzia via il Design Manager. Vulais Vus savair dapli davart quai? Legiai alura la documentaziun davart la Reverse Charge (B2B).
