Nossa lavur quotidiana è plaina da process che sa repetan. La gronda part da quels custa blers daners e bler temp. Cun edoobox profiteschais Vus gia da bleras automatisaziuns che faciliteschan Vossa lavur.
Tals process datti tant en pitschnas sco en grondas interpresas. Marketing, servetsch da clientella e contabilitad èn elements che sa repetan en il mintgadi da fatschenta. Per simplifitgar els datti l'automatisaziun digitala dal marketing. Quai èn soluziuns da software per automatisar process da lavur impurtants. Per quai na stuais Vus betg far investiziuns charas. Nus dad edoobox lavurain cun Zapier. Per pudair utilisar Zapier dovri mo ina registraziun sin la website. Suenter survegnis Vus ina survista da tut las applicaziuns disponiblas. Tranter quellas èn passa 4000 apps da divers secturs sco marketing per e-mail, administraziun da datas e contabilitad, per numnar mo intgins.
Tge è Zapier?
Zapier è in servetsch da web simpel d'utilisar che As permetta d'automatisar effizientamain acziuns tranter las applicaziuns da web che Vus utilisais mintga di. Uschia vegn facilitada la lavur cun edoobox e diversas autras apps.
Cun Zapier pudais Vus colliar edoobox svelt e simpel cun in'autra soluziun da software e quai senza enconuschientschas da programmar.
Quai succeda tras uschenumnadas „Zaps“. Zaps dovran triggers (q.v.d. eveniments da trigger) en in'applicaziun per activar acziuns en in'autra applicaziun. L'engaschi è flexibel e multifar, sco era las pussaivladads d'integraziun.
Interessants zaps che faciliteschan en connex cun edoobox Voss process da lavur èn per exempel:
- Trametter participants existents e novs dad edoobox ad in utensil da newsletter
- Exportar quints existents e novs en in sistem da contabilitad
- In nov curs vegn registrà en edoobox ed ina contribuziun en las medias socialas vegn publitgada
- Arcunar quints existents e novs sco PDF en il cloud
- Per nova reservaziun scriver ina nova lingia en ina tabella da calculaziun
Avrir las integraziuns Zapier dad edoobox
La colliaziun da Zapier ed edoobox optimescha, cun standardisar process e la direcziun fidada dals process, Voss process da fatschenta e reducescha la quota da sbagls. Tras l'automatisaziun cuntanschais Vus ina pli auta qualitad per Voss process, per Voss products e per Vossa interpresa.
Zap, impuls ed acziun declerads:
In zap è in workflow automatisà tranter duas u pliras applicaziuns. Zaps consistan d'almain duas parts: in detunader ed ina u pliras acziuns u pass.
Impuls èn eveniments da l'applicaziun che fan alura partir il Zap. Uschespert ch'in Zap è configurà, surveglia Zapier l'applicaziun per quest eveniment.
In'acziun è l'eveniment che cumplettescha il zap.
Impuls → Zap → acziun
Co poss jau utilisar Zapier?
En nossas documentaziuns chattais Vus in exempel per Zaps per novs quints u co che Vus pudais en general crear in nov Zap.
Utilisai era ils models da Zapier gia preparads che nus engrondin cuntinuadamain.
