(Publitgà oriundamain ils 20 d'avust 2020)
Co scriver ina descripziun bain structurada avais Vus gia pudì leger en il blog Co structuresch jau mia descripziun per il success maximal?. Ussa ans occupain nus da la dumonda co render quella interessanta per las maschinas da tschertga. (Noss exempel sin basa da Google)
Tge è in text SEO?
Qua vegn endament als blers in text senza amur cun pleds-clav drizzads in vi da l'auter. Da principi è in text da SEO exact quai che ses num di, numnadamain in text optimà per las maschinas da tschertga. Per formular auter èsi in text ch'è concepì per che lur curs, events e seminaris vegnian chattads da maschinas da tschertgar sco Google.
construcziun dal text da descripziun optimal
Tar la constituziun da Voss text descriptiv (Co structuresch jau mia descripziun per il success maximal?) avais Vus gia descrit detagliadamain Vossa purschida. Vus essas entrada u entrà en las differentas tematicas, cun las qualas Vus As occupais en la purschida, lur champ d'applicaziun e las differentas pussaivladads da furmaziun supplementara.
Quai n'è betg mo d'avantatg per Voss clients potenzials, mabain era per Google. Vossas descripziuns vegnan indexadas da Google, qua n'emporta quai betg tge lunghezza che Voss text ha, perquai ch'ils algoritmus da Google èn multifars, ch'ina tscherta lunghezza da pleds na vegn betg preferida. Per giuditgar la relevanza textuala e dal cuntegn n'è il dumber da pleds d'in text primarmain betg decisiv. Google stima e remunerescha plitost cuntegns exclusivs, d'auta qualitad, attractivs e buns.
Tge che Voss USP èn, avais Vus gia cun il blog «Co structuresch jau mia descripziun per il success maximal?» scrit. Impurtant è che Vus hajas scrit il text sco sche Vus fessas part da la clientella.
La tscherna dals dretgs pleds-clav (keywords)
Fixescha ils pleds-clav per purschida, tenor ils quals tes clients tschertgan. Duvrai quels betg mo en il text sez, mabain er en il num da la purschida, en la denominaziun dal maletg (text alternativ) ed en ils videos. Cun duvrar sinonims procurais Vus era per in text varià e plain tensiun al lectur. Sajas dentant precaut cun duvrar sinonims, il text duess esser simpel e lev da leger.
Keyword dense
Pli baud valeva il pled-clav spess sco factur da ranking tar Google. Quels temps èn per fortuna sa midads, ils pleds-clav mess in sper l'auter senza amur n'han betg propi gidà ad in text bain legibel u favuraivel per la clientella.
Substituì è quai vegnì tras WDF*IDF. Quai è in tool che vegn duvrà savens en l'optimaziun da las maschinas da tschertga e che calculescha la relaziun cun auters blogs e cun autras paginas-web.
La frequenza da tut ils pleds calculescha il WDF che stat per „Within Document Frequency“. Cun la valur dad IDF (Inverse Document Frequency) vegn inditgada en in document la paisa d'in pled. Formulada a moda pli simpla calculescha la furmla co che Voss text sa cumporta en cumparegliaziun cun auters texts davart il medem tema respectivamain cun ils pleds-clav e tge ulteriurs pleds-clav che duessan cumparair en tge relaziun en quest connex tematic. Per quai datti per fortuna tools sco Content Success. Questa analisa gida Vus da chattar noziuns impurtantas per Voss text da SEO. Uschia pon ins filtrar ora chavazzins che cumparan savens en tes text davart il tema correspundent, ma che n'èn betg da chattar en mintga text davart il tema en il web.
Las suandantas reglas èn da valur d'aur per ir enturn cun pleds-clav en texts da SEO.
- Scrivai il text en emprima lingia per ils clients
- Bun stil da scriver e la facilitad d'utilisar èn pli impurtants ch'il diever dal pled-clav
- Utilisai pleds-clav, ma betg memia savens u a moda sfurzada
- Sinonims procuran per variaziun
Texts simpels da leger cun ina buna structuraziun:
Utilisai titels, pertge Google als utilisescha per chapir meglier ils cuntegns. Quest avantatg serva era a Voss lecturs. Creai ina structuraziun raschunaivla dals titels che correspunda als nivels da ierarchia. Empruvai d'integrar ils pleds-clav en ils titels.
cuntegn (In titel captivant)
Redigiai il text a moda detagliada ed attractiva. Amplifitgai el cun ils pleds da tschertga adattads, pertge betg tuts tschertgan ils medems pleds-clav.
Buns texts han per regla blers pleds – dai adatg che quels sajan bain legibels. En il meglier cas n'ha anc nagin da Voss concurrents registrà quai uschè detagliadamain, bain e structurà! Furnì a Voss lecturs in'experientscha dad AHA, cun dar infurmaziuns, a las qualas els n'avevan betg pensà avant. Mintga text duess esser unic e porscher ina plivalur. Na copiai betg alineas u frasas d'autras paginas-web. Evitai perquai il diever da texts da standard/da construcziuns da text u da frasas che sa repetan adina puspè sco er da parts da texts, perquai che quai cuntegna il privel ch'i sajan avant maun cuntegns identics sin ina u pliras paginas-web.
Colliar Vossas purschidas cun links
Laschai colliar Vossas purschidas da partenaris, sponsurs etc. sin sias paginas. Natiralmain èn er links interns d'avantatg, perquai ch'els na servan betg mo a la navigaziun simplifitgada tras Vossa pagina-web, mabain gidan er da tegnair en ina tscherta structura ed èn tut dasperas er anc relevants, sch'i va per vegnir rangà pli aut da Google e co.
Optimisai la sveltezza da chargiar da Vossa website
Abstrahà dals visitaders sin Vossa pagina d'internet, n'han er las maschinas da tschertgar betg gugent paginas-web plaunas. Evitescha da chargiar si maletgs betg cumprimids e scalads cun code e na surchargia betg tia pagina cun millis da scripts nunnecessaris. Per tegnair en egl ils temps da chargiar è per exempel Google PageSpeed in instrument nizzaivel. Qua survegnis Vus suenter l'analisa in'evaluaziun detagliada cun tips, co che Vus pudais meglierar il temp da chargiar.
Tip e colur da scrittira
Pli baud eri e dettia moda da zuppentar texts da SEO betg bels en colur alva sin funs alv u da far quai sur l'instrucziun display: none. Da curta durada pudessan quests trics era gidar Vus. Ma sche Google e co. vegnan sin Vus, stizzan quels Vossa pagina cumplettamain or da l'index. Perquai As tegnai meglier vi dals suandants puncts:
- Utilisai in tip da scrittira che po vegnir represchentà da tut ils navigaturs
- Tschernì in tip da scrittira bain legibel
- La colur da la scrittira è bain legibla sin la colur da funs
Utensils nizzaivels gidan Vus
Qua chattais Vus intgins tools che vegnan a gidar Vus:
Testai Vossa contribuziun da blog areguard SEO
Tegnai en egl ils temps da chargiada da Vossa pagina
Chattai noziuns impurtantas per Voss text SEO
